– Dei som kjenner Valle veit at det er eit bittelite lokalsamfunn som vil bli særs prega av dette, seier Ørnulf Hasla i bedrifta til NRK.
I september kom det fram at dagleg leiar ved motellet, Jostein Kjelleberg, har vore i kontakt med Norsk Mottaksdrift AS om å starte eit asylmottak.
– Vi som driv næring i Valle sentrum har bygd stein på stein over mange år for å utvikle oss i forhold til reiselivet. Vi ser på det som særs vanskeleg å utvikle reiselivet, bygda og samfunnet vidare, seier Hasla.
Reaksjonen vart først publisert i ein artikkel på nettstaden til Agderposten. Bakgrunnen er eit brev Hasla har sendt til kommunen.
– Valle Motell er ein viktig aktør for overnatting i Valle sentrum, seier han.
– Hadde vi vore ein større kommune med eit meir etablert næringsliv hadde eg ikkje hadde problem med dette. Men vi er veldig små og sårbare, seier Hasla.
