– Eg trur vi kan gje Larvik konkurranse neste år, sa landslagsspelaren då ho vart presentert på ein pressekonferanse torsdag.
23-åringen kjem frå Byåsen og vann VM-gull med Norge i desember. Trenar Kenneth Gabrielsen er strålande nøgd med å sikre seg signaturen hennar.
– Ho er eit av Europas største handballtalent med eit enormt potensial. Skot, finter, ho er høg og har eit potensial bakover som er heilt utruleg, seier Gabrielsen.
Landslagsspelar Emilie Hegh Arntzen er klar for Vipers.
Foto: Vidar Ruud / NTB scanpixHegh Arntzen sin signatur føyer seg inn i ei lang rekke profilerte spelarar sørlandsklubben har sikra seg den siste tida.
I førre veke skreiv landslagsspelar Malin Aune under ei kontrakt med klubben. I haust sikra dei seg keeper Katrine Lunde.
– Eg hadde andre tilbod og har tenkt over det. Men eg syns det Vipers held på med er veldig spennande. Det vil eg vere med på, seier Hegh Arntzen.
Frå før har dei Linn Jørum Sulland og Marta Tomac i troppen.
Klubben har som mål å vippe suverene Larvik av handballtrona i Norge.
Onsdag inngjekk Vipers Kristiansand si største sponsoravtale nokonsinne med storbanken DNB.
