Kjetil Molvær i Statens vegvesen opplyser at det er fleire lastebilar som har køyrt av vegen i Sogn og Fjordane i dag.
– Akkurat no er det to lastebilar i grøfta på riksveg 15 over Strynefjellet. I tillegg er det to som ikkje har greidd å halde seg på vegen over Filefjell, seier Molvær.
- LES OGSÅ:
- LES OGSÅ:
Molvær hevdar at det handlar om utanlandske køyretøy som er dårleg skodde for nysnøen og vinterføret.
– Dei har både feil utstyr og somme har ikkje lagt på kjettingar. Då er det ikkje rart at det går gale.
– Eg er redd for at det blir litt å gjere i kveld, men eg reknar med at det betrar seg utover morgondagen, seier Molvær.
Tidlegare i dag sperra ein lastebil vegen i fem timar. No har politiet oppretta sak mot sjåføren.
(Artikkelen held fram under biletet)
- LES OGSÅ:
Bilberging i Selje
Også personbilar har hatt problem med veggrepet i dag. Akkurat no går det føre seg ei bilberging på fylkesveg 60 i Selje.
Molvær oppmodar etternølarane om å leggje om til vinterdekk.
– Etternølarane bør skjønne alvoret no, seier han.
Kostbart å ikkje vere godt nok skodd
Operasjonsleiar Per Rimmen ved Sogn og Fjordane politidistrikt opplyser at det kan koste deg dyrt om du køyrer utan vinterdekk eller kjettingar på vinterføret.
– Det kan kome opp i mange titals tusen i bøter, seier Rimmen.
Snøen vil halde fram utover kvelden
Meteorolog Frode Hassel seier at det vil halde fram med snø- og sluddbyer utover ettermiddagen og kvelden i Sogn og Fjordane.
– Samstundes vil vinden snu og auke til sterk kuling, men i morgon vil vinden minke og me får opphaldsvêr i fylket.