Muslimar i fylket meiner det er flaut av Førde kommune at dei har latt det gå seks månader utan å svare på invitasjon til eit møte om den planlagte moskeén dei ønskjer å byggje.
Brevet med invitasjon til moskémøte vart sendt for eit halvt år sidan. I dei midlertidige lokala i Førde viser leiar Førde muslimske senter Hoje Mohammad Ibrahim Zarghoon fram bilete av ein tyrkisk moske. Dette kan bli modell for den framtidige moskeén i Førde.
- LES OGSÅ:
På høg tid
Talskvinne for Førde muslimske senter, Asiyah Zarghoon, seier det er på høg tid at også muslimar her i fylket får sitt eige gudshus.
– Det er faktisk veldig flaut. Slik vi har lært i Noreg, så skal ein få svar på eit brev til det offentlege innan to veker. Det er uprofesjonelt. Vi har dessverre ikkje høyrt noko som helst.
- LES OGSÅ:
Beklagar sterkt
Rådmann i Førde, Ole John Østenstad, beklagar på det sterkaste at dei ikkje har svart på brevet frå muslimane.
- LES OGSÅ:
– Det skal ikkje vere slik, og det må eg berre beklage at vi ikkje har svart på det. Bakgrunnen for at vi ikkje har svart, er at vi framleis driv og forhandlar med grunneigarane om overtaking av tomta.
– Men burde ikkje kommunen i det minste sendt eit brev?
– Jo, og eg må legge meg ganske flat. Sjølvsagt burde dei hatt eit førebels svar. Vi har ein avtale med den eine grunneigaren, og er no i tingingar med den siste grunneigaren. Eg vonar at vi skal finne ei løysing no i løpet av hausten.