Kvalen tilbake i Førde-drakta

– Vi har hatt dialog med Jonas KValen sidan april/mai månad. Då vi såg at vi kunne få litt utfordringar etter at Mathias Loftesnes ville bli proff, har vi leita for å finne ein erstattar for han, seier leiar i Førde VBK, Sindre Roska til Firda.

NRK skreiv i slutten av juni at landslagsoppleggjar Kvalen var i dialog med Førde volleyballklubb om retur til norsk eliteserie.

• LES OGSÅ: Landslagsspelar høgaktuell for Førde-retur
• LES OGSÅ: Jonas Kvalen blir proff i Polen - og Førde får ein polsk oppleggjar

Bytte ut halve spelargruppa

Det eitt år lange opphaldet i polske Indykpol AZS Olsztyn gjekk ikkej heilt som planlagt, og difor var sunnmøringen på jakt etter ny klubb.

Kvalen fekk så som så med speletid, og då klubben ikkje makta å nå sluttspelet, åtte Indykpol gjere grep, også for å betre økonomien.

Dermed vart raskt over halve spelargruppa bytt ut.

• LES OGSÅ: Førde-trio sentrale for «Nye Norge»

Skal jobbe med utvikling

Men no er altså profftilværet over, iallfall for denne gong, for oppleggjaren.

Ifølgje Firda skal Kvalen ha jobb som regionsekretær i volleyball, og jobbe litt som utviklingskonsulent for Volleyballforbundet her i fylket.

Kvalen er frå Volda, og har spelt for Førde VBK i to sesongar. Han har 16 juniorlandskampar, og har også spelt seniorlandskapmar for Norge.