Onsdag morgon skulle sonen hans til Sogndal der han studerer, for å skrive avsluttande oppgåve. Men allereie ved Heilevang tok turen ei dramatisk vending.
Eit kring . Raset såg han komme i augekroken.
- Bilen vart teken av heile raset og feia rett på sjøen. Medan han var på veg ned mot sjøkanten fekk han på eitt eller anna vis opna døra. Medan det rasa klora han seg opp att på vegen. Det var ei sterk oppleving, fortel Vagstad.
- Eg er berre letta
Vel på land vart den unge mannen teken hand om av ein drosjesjåfør som kom til. Han fekk låne telefon og ringde faren for å fortelje om episoden. Vagstad er framleis i sjokk etter den sterke opplevinga.
- LES OGSÅ:
- Vi er i sjokk både eg og han. Men eg er letta over at det gjekk som det gjekk. Bilen bryr eg meg ikkje noko om. Det kunne gått så mykje, mykje verre dette her. Eg er berre letta over at det gjekk som det gjekk, seier han.
(Artikkelen held fram under videoen)
Til legesjekk
Sonen var til legesjekk i Førde og kan vente seg ei varm mottaking når han kjem heim att til Askvoll.
- Han har det rimeleg greitt no, men vil nok sikkert få ein reaksjon seinare, fortel Vagstad.
- LES OGSÅ:
Det rasar framleis på staden og vegen vil vere stengd til geologar har synfart fjellsida frå helikopter. Vegvesenet opplyser at vegen ikkje vil opne att i dag på grunn av det dårlege veret. Reisande blir oppmoda om å køyre via fylkesveg 57.