– Vi har fått opplysningar om at rapporten vil kome innan rimeleg tid, men det er mange analysar som skal på plass. Er vi heldige, så kan vi få den mot slutten av denne veka. Det er det tidlegaste vi kan håpe på, då har det gått raskare enn vi har trudd, seier regionlensmann Asle Karoliussen.
Då den mellombelse obduksjonsrapporten var klar sist veke vart det også klart at dødsfallet til 22 år gamle Veronica Heggheim Stegegjerdet blir etterforska som eit mistenkjeleg dødsfall. Politiet har til no ikkje villa sagt noko om dødsårsaka.
Utfordrande å få tilgang til sosiale medium
Mellom 15 og 20 personar jobbar med saka, og politiet har også fått hjelp frå Kripos til taktisk og teknisk etterforsking. Kring 60 personar har vore inne til avhøyr i saka. Framleis står det att ein del informasjonsinnhenting.
- LES OGSÅ:
- LES OGSÅ:
– Vi har slite med å få tilgang til nokre sosiale medium. Facebook har vore den
største utfordringa for oss. Det blir jobba med, og noko er avklart, medan andre ting tek tid. Vi håpar det kjem på plass etter kvart, slik at vi får oversikt over det vi treng, seier Karoliussen.
Stegegjerdet hadde vore sakna i nær tre veker då ho vart funnen omkomen i fjorden like ved bustaden sin. Samstundes som det vart leita etter 22-åringen starta politiet også etterforsking med tanke på å finne ut kva som kunne ha skjedd ho. Det arbeidet held no fram.
– Vi er om lag like mange som jobbar med saka no som tidlegare. Kor tid vi nærmar oss ein konklusjon veit eg ikkje. Vi må ta ein og ein dag, og ei veke om gongen, så får vi sjå kvar vi endar opp til slutt.