– I Rogaland politidistrikt held me fram med auka beredskap. Folk vil sjå væpna politi i heile politidistriktet, seier Håkon Strand, assisterande stabssjef i Rogaland politidistrikt i ei pressemelding.
Informasjonen som politiet har på noverande tidspunkt inneheld ikkje trugslar mot konkrete objekt, arrangement eller personar. I Rogaland har politiet vald å sette inn ekstra ressursar på nokre av knutepunkta i fylket.
– Me vil vera ekstra til stades, mellom anna på Stavanger lufthamn, Sola og i Risavika, seier Strand.
Dei har også sett inn ekstra mannskap på Gladmat-festivalen i Stavanger sentrum.
- LES OGSÅ:
(Artikkelen held fram under bilete)
Væpna politi på Gladmaten i dag.
Foto: Ole Andreas Bø / NRKOgså i Nord-fylket held den auka beredskapen fram.
– Politiet i distriktet er i beredskap og har mellom anna fokus på viktig innfartsårer og knutepunkt. Det er vidare innført generell væpning i distriktet; ei avgjerd som er tatt med ein førebyggjande intensjon, og for å følge dei føringar som kjem frå nasjonalt hold, skriv Jan Geir Hessen, fungerande stabssjef i Haugaland og Sunnhordland politidistrikt, i ei pressemelding.
- LES OGSÅ:
Inn- og utreisekontroll
Politiet har fått fleire spørsmål om bruk av pass ved inn- og utreise i Noreg.
Det har blitt publisert ei presisering på informasjonen om dette på politi.no, og politiet ber publikum om å nytte seg av denne sida for å få mest mogleg oppdatert informasjon.
- LES OGSÅ:
– Gjer som normalt
Auka beredskap til trass, politiet meiner folk likevel ikkje treng å ta spesielle forholdsreglar, men dei vil gjerne ha tips.
– Me ber likevel folk vera årvakne. Ser du noko mistenkeleg, ring politiet på telefon 02800. Ved akutte hendingar, ring 112, legg Strand til.
