Innanriksdeparptementet på Gazastripa sende ut ei fråsegn i dag om at alle som deltek i val 24. januar, vil blir haldne ansvarlege.
- Departementet avviser valet fordi det er varsla av nokon som ikkje har rett til å ta slike avgjerder, og fordi valet er tillyst utan nasjonal semje, heiter det vidare i fråsegna.
Det var sist veke at president Mahmoud Abbas varsla at det blir halde både presidentval og val på ny nasjonalforsamling 24. januar 2010, etter at Hamas nekta å skrive under ein nasjonal forsoningsavtale.
Dersom Hamas hadde skrive under, ville valet bli utsett til juni 2010.
Hamas har sagt at dei treng meir tid på å vurdere forsoningsavtalen, som er forhandla fram av Egypt.
Den islamistiske organisasjonen Hamas har i dag makta på Gazastripa, medan president Mahomoud Abbas og det sekulære Fatah-partiet har makta på Vestbreidda.
LES OGSÅ:
LES OGSÅ:
LES OGSÅ:
LES OGSÅ: