- Danmark eit sorteringssamfunn

Danske kvinner vel stadig oftare å fjerne foster med Downs syndrom. Sidan Danmark i 2004 starta screening av alle foster er det fødd 13 prosent færre born med Downs kvart år.

Sorteringssamfunn

- Dersom danske kvinner held fram med å fjerne foster i like stort omfang i åra som kjem, vil det siste danske barnet med Downs kome til verda i 2030, skriv den danske avisa Berlingske i dag.

KrF-leiar Knut Arild Hareide vil ikkje ha denne utviklinga i Noreg..

- Det er viktig at vi ikkje gjer dei same feila som Danmark har gjort. Resultatet av full screening blir eit sorteringssamfunn der det ikkje er plass til born med Downs syndrom, seier han,

- Spørsmålet er, kvar skal vi setje grensa for sorteringa? I Danmark blir foster med ryggmargsbrokk sorterte bort, og det er ei utvikling KrF ikkje vil ha. Vi vil ha eit samfunn der det er plass til alle, uavnhengig av korleis vi er fødde og kva evner vi har, held KrF-leiaren fram.

- Vi kan ikkje kjempe mot den medisinske utviklinga, men vi er uroa over haldningane som ligg bak tala i Danmark, seier Lars Erik Brustad i Norsk nettverk for Downs syndrom .

LES OGSÅ: Rekordmange tar ultralyd tidlig

- Lite og dårleg informasjon

I 2004 vart det fødd 61 born med Downs i Danmark. Året etter var talet halvert. I snitt har 13 prosent færre born med Downs bliltt fødde kvart år dei siste seks åra.

Den danske Lændsforæringen Downs syndrom seier dei har forståing for at fleire foreldre vel bort born med dette syndromet. Men leiar for organisasjonen, Grete Falt-Hansen, meiner likevel at vala blir tekne på bakgrunn av svært lite og dårleg informasjon om kva Downs syndrom er.