Det var Tvedestrandsposten som først skreiv om sørlendingane som ville ut på tur. Det var i mai dei to sørlendingane fann ut at dei hadde lyst ut å reise.
NÆRKONTAKT: Sørlendingane kjem tett på kvithaien. – På det næraste var vi kanskje fem centimeter ifrå, seier Janne.
Foto: Privat
– Så kom eg over ei nettside der ein kunne jobbe som frivillig med kvithaidykking på ein båt i Sør-Afrika, seier ho.
I nærkontakt
Janne spurte venninna Helene, som sa ja med ein gang.
Eit halvt år seinare er dei i Gansbaai i Sør-Afrika, og hjelper til på båten som sender turistar under havoverflata i eit bur for å komme så tett innpå kvithaien som mogleg.
– Allereie den første dagen fekk vi nærkontakt med kvithai. Vi fekk vere med som turistar og såg ein hai på rundt fire meter, kanskje berre fem centimeter unna oss, seier ho.
Kontrasten er stor frå vinterkalde Norge til 30 grader og strålande sol i Sør-Afrika.
– Vi er ein del av mannskapet og hjelper til med informasjon og det praktiske. Er det tid får vi også moglegheit til å vere med turistane ned i buret, seier Tvedestrand-jenta.
– Fredfulle dyr
Eigentleg er ho eigentleg ikkje særleg glad i hai.
– Eg er veldig fascinert, men også veldig redd for dei. Men eg likar godt å få adrenalinkick, så likar eg å gjere ting som eg tykkjer er skummelt og samstundes fascinerande. Hai er noko av det, seier ho.
– Haiane er faktisk ikkje så skumle som eg trudde før eg kom ned. Dei verkar så fredfulle og sym berre fint forbi og bit i lokkematen innimellom, seier ho.
