Den ivrige fuglefotografen Svein Hjelmeset i Gloppen tok bileta av flokken med havørner i slutten av februar. Tidlegare har han teke bilete av fleire sjeldne fuglar som har forvilla seg til kommunen.
Det er ikkje uvanleg å sjå denne ørnetypen her, men Hjelmeset seier det er spesielt at så mange var samla på ein gong.
– Det var fem havørner, fire ungfuglar og ein vaksen, samla på marka til ein bonde i Breim. Det er uvanleg at det så mange av den sorten på ein stad. Det pleier kanskje vere to i lag. Eg var så heldig at eg fekk teke nokre bilete av dei, seier han.
- LES OGSÅ:
- LES OGSÅ:
Har sett dei fleire gonger
Hjelmeset seier han veit grunnen til at dei var der.
– Eg bonde hadde lagt ut ein daud gris i skogen og då kom for å ete på kadaveret. Det er forbod mot å grave ned daude dyr no, men ein har lov å leggje ut til rovvilt. Det fungerer bra, for heile grisen er oppeten etter 14 dagar.
Han seier det først var ramnar som oppdaga det gode måltidet i skogen.
– Det var først 20 ramnar her som åt på grisen. Deretter kom havørnene. Dei har vore her fleire gonger for å ete.
- LES OGSÅ:
- LES OGSÅ:
Blei nok veldig mette
Det er fleire par med slike ørner som hekkar i kommunen og Hjelmeset trur dei yngste av fuglan er klekka ut her. Han er nøgd med at han kom så nære då han skulle ta bileta.
– Av og til kan både kongeørn og havørn ete så mykje at dei ikkje greier å lette. Dersom dei var gode og mette, så måtte dei vel kvile litt før dei letta, trur han.