Bergens Tidende tok fram femmaren på terningen sin for konserten hennar torsdag, og samstundes har Aftenposten og VG gitt henne terningkast fem for plata «Oh, the third..»som ho lanserte på by:Larm.
ENDÅ EIN FEMMAR: Thea Hjelmeland har mykje å glede seg over.
Foto: Stein Jarle Aase / NRKGjekk rundt i Oslos gater og grein
Og dagen derpå er det ei strålande nøgd Thea Hjelmeland som sit i lobbyen på Hotel Christiania og les aviser.
– Det er over all forventning. Eg er berre kjempeglad, eg veit ikkje heilt om eg har forstått det. Eg sov dårleg i natt, for eg var så nervøs. Eg vakna klokka fem og så igjen klokka sju, og då måtte eg berre stå opp.
– Då gjekk eg ut og kjøpte aviser, og etterpå gjekk eg rundt i Oslos gater og grein litt.
LES OGSÅ:
LES OGSÅ:
HØYR OGSÅ:
- Variert plate med fine låtar, seier Atle Bredal i NRK P1 som gir plata 8 av 10 poeng.
– Ante du kva som kom av tilbakemeldingar etter konserten?
– Eg syntest det gjekk kjempefint på konserten. Det var første gongen eg spelte med musikarar sidan eg spelte med bandet mitt i vidaregåande, og det gjekk over all forventning. Publikum var heilt fantastisk.
– Det er aldri lett å vite kva inntrykk andre har, sjølv har eg store forventningar, og eg har jobba veldig lenge for det. Eg syntest det gjekk veldig fint, men det var utruleg kjekt å få denne konsertanmeldelsen i BT.
Hadde taket på publikum
For Thea Hjelmeland hadde tak på publikum så og seie frå første strofe, og sjølv seier ho at det var ei stor oppleving.
– For det første var det fem-seks fotografar framfor scena, det tok berre eilt av, det var heilt merkeleg. Men det var veldig kult, eg hadde ikkje venta det, så på første låten var eg sett litt ut, for eg var ikkje førebudd på det.
– Men eg syntest det var ei stor oppleving, det var eit lydhøyrt publikum. Eg var kjempenervøs før konserten, men eg fekk roa på scena, og eg hadde god kontakt med dei to musikarane, og vi spelte godt i lag. Ein veldig spesiell kveld.
(Artikkelen held fram under artikkelen).
Sjå
Innslag i Vestlandsrevyen om Thea Hjelmeland