– Slike gåver er med på å gje håp til dei som er råka av kreft, og vi set difor ekstra stor pris på at dei tilsette valde å gje julegåva si til nettopp dette formålet, seier rådgjevar i Kreftforeningen seksjon Vest, Tone Gjelsvik Sellevold.
Ho legg til at foreininga vil forvalte den verdifulle gåva etter beste evne innan kreftforsking.
Stemde over formålet
Dei tilsette avgjorde kva pengane skulle gå til gjennom avstemming, og det var Kreftforeininga og Redningsselskapet som fekk klart flest stemmer.
Kreftforeininga får 90.000 kroner til å styrkje innsatsen knytt til forsking, medan Redningsselskapet får 60.000 kroner for arbeidet dei gjer med å tryggje ferdsla på sjøen.
– Vi er heilt avhengige av slike gåver, og difor betyr det så utruleg mykje for oss, seier sjøvett- og opplæringsansvarleg i Redningsselskapet i Sogn og Fjordane, Tanja Smelvær.
- LES OGSÅ:
- LES OGSÅ:
Slik skal redningsskøyta berge liv
Veit at forsking nyttar
Tillitsvald i Fjord1, administrerande sekretær Helen Aasen, seier dei er glade for å kunne vere med å bidra til både kreftforsking og tryggleik langs kysten.
– Dei aller fleste har eit forhold til kreft, ettersom denne sjukdommen råkar mange, og vi veit at forsking på dette området nyttar. Vidare er kyst-Norge avhengige av den nære beredskapen til Redningsselskapet, samt det gode førebyggjande arbeidet dei gjer på dette området, seier Aasen.
- LES OGSÅ:
- LES OGSÅ:
Foreininga har tre hovudmål
Kreftforeininga er ein av Norges største bidragsytarar til kreftforsking. Bidrag frå gjevarar gjer Kreftforeininga i stand til å finansiere hundrevis av forskingsprosjekt.
– Kreftforeininga har tre hovudmål: bidra til at færre skal få kreft, fleire overlever kreftsjukdom, og sikre best mogleg livskvalitet for kreftramma og pårørande. Innanfor alle desse måla er forsking viktig, seier Gjelsvik Sellevold.