Sogndal Fotball meiner at Brann-supportane trakasserte Sogndal-supporterane under straffesparkkonkurransen i går.
Arrangementssjef i Sogndal Fotball, Geir Inge Heggstad, er skuffa over Brann.
– Eg forventar at fotballforbundet straffar Brann etter at dei har fått rapport frå Sogndal Fotball, seier han.
- LES OGSÅ:
- LES OGSÅ:
Flytta seg bak Sogndal-målet
Det var i forkant av straffesparkkonkurransen i går, der det enda med at Sogndal vart utslått av cupen, at dramatikken starta.
Stikk i strid med regelverket, flytta ein horde av Brann-supporterar seg frå sine tilviste plassar til å stille seg bak målet til Sogndal, der straffesparka skulle takast. Geir Frode Lunden, tryggleiksansvarleg i Saftkokardn, stod sjølv bak Sogndalmålet.
– Dei kom heilt inntil vårt avsperra område, og ifølgje tryggleiksboka til fotballforbundet er det i strid med regelverket. Det er totalt brot på alle reglar som går på tryggleik på stadion, seier Lunden.
- LES OGSÅ:
- LES OGSÅ:
– Tilrop og obskøne bevegelsar
Lunden fortel at Brann-supporterane kom med mange ukvemsord.
– Det kom ein del tilrop og stygge kommentarar mot oss, i tillegg til at enkelte gjorde obskøne bevegelsar.
Norges Fotballforbund vil ikkje kommentere saka før dei har fått kamprapporten, fordi dei ikkje kjenner hendelsesforløpet. Heller ikkje leiinga i Brann vil kommentere saka.
Ventar ei skikkeleg straff
Lunden meiner Brann fortener straff etter det som skjedde.
– Eg håpar fotballforbundet gir Brann ei skikkeleg straff. Dette er totalt uakseptabelt.
Sogndal Fotball skal før helga sende ein formell klage til Norges Fotballforbund med videobevis.
NM 4. runde: Sjå høgdepunkta frå Brann-Sogndal.
SJÅ: Den dramatiske straffekonkurransen mellom Sogndal og Brann.