Fekk smykker for 20 000

To fylkestingspolitikarar har fått like dyre armband som Liv Signe Navarsete av Aker Yards.

• LES OGSÅ: Avviser vendetta mot Navarsete

Dyre smykker

Prisen på smykka er på omlag 20 000 kroner.

– Var dei så dyre altså? Det hadde eg aldri trudd, seier Edith Årebrot Madsen frå Høgre til Bergens Tidende.

Ho og Åshild Kjelsnes, fylkesvaraordførar frå Arbeidarpartiet, fekk armband til omlag 20 000 kroner etter å ha vore gudmødre på gassferjer Fjord 1 hadde bestilt av verftet.

• Høyr Åshild Kjelsnes:

Også fylkestingspolitikar Toril Melheim Strand (Ap) frå Møre og Romsdal fekk ei slik gåve då ho var gudmor.

• LES OGSÅ: Folket med støtte til Navarsete

• Høyr Edith Aarebrot Madsen:

– Eit nydeleg minne

Senterpartileiar Liv Signe Navarsete fekk også ei slik gåve tilbake i 2006 då ho var gudmor for ei ferje for ei ferje. Verdien på den gåva var på 26 500.

– Vi gjer ikkje forskjel på folk. Gudmorgåvene våre ligg stort sett på pluss minus 20.000 kroner, sier informasjonssjef Hege Anita Akselvoll i STX Europe, som no driv verftet i Florø.

Tre veker etter at Navarsete hadde gjort jobben som gudmor, var det det fleire ferjer som skulle døypast. Og æra gjekk til mellom anna dei tre fylkespolitikarane.

– Eg fekk eit veldig pent armband som er eit nydeleg minne, seier Kjelsnes i dag.

At prisen på smykket er 20 000 kroner visste ho ikkje.

– Dei fleste av oss er vel ikkje så vande med så himla dyre smykke, seier ho til avisa.

• LES OGSÅ: Navarsete angrar på rådyr gåve

Tenkte ikkje over verdien

Ho vil ta saka opp med fylkesordførar Nils R. Sandal.

– Eg kan gjerne leggje armbandet inn på fylkeshuset dersom det kan hjelpe, hadde eg nær sagt.

Ho vedgår at ho ikkje tenkte noko vidare over gåva ho fekk, men seier ho oppgav armbandet i sjølvmeldinga året etter ho fekk det.

• LES OGSÅ: - Navarsete kunne ha fått sparken
• LES OGSÅ: Meldt for korrupsjon