Barneombod Reidar Hjermann har tidlegare vore kritisk til at homofile par skulle få adopsjonsrett for barn frå utlandet.
Dette standpunktet var basert på uro for at land ikkje ville la deira barn bli adopterte til Norge.
Homofile adoptivforeldre inga hindring
Men no har barneombodet mildna, mellom anna på grunn av ei svensk undersøkring som viser at mellom 27 land som adopterer vekk barn, er det berre éitt land som ikkje vil sende ut barn om det vert opna opp for at homofile ektepar blir vurderte som adoptivforeldre.
Les også:
Hjermann meiner no det er til barnas beste at homofile kan vurderast som adoptivforeldre til norske og til utanlandske barn, ifølgje Dagsavisen.
Assistert befruktning for lesbiske
Ved midnatt gjekk høyringsfristen om ny ekteskapslov ut.
I tillegg til at homofile skal kunne bli vurdert som adoptivforeldre, skal lesbiske kunne få assistert befruktning, og medmor skal ha dei same rettane og pliktene som den biologiske mora, meiner ombodet.
Hjermann meiner også at adopsjonsretten for homofile også må inkludere at homofile får moglegheit til å adoptere utanlandsadopterte barn i Noreg som mistar sine opprinnelege adoptivforeldre.