– No testar vi ut systemet på Røst i Lofoten, der vi driv tårntenesta frå Bodø. Vi brukar videoovervaking og sensorar på flyplassen for å overvake trafikken, og så langt har det vore vellukka, seier Margrethe Snekkerbakken, som er direktør for nasjonal, regionale og lokal flyplassar i Avinor.
På flyplassane rundt om i landet er det flygeleiarar som kontrollerer trafikken og har oversikt over fly som lettar og landar. På mange av dei mindre flyplassane rundt om i landet kan denne jobben snart vere historie.
– Vi har testa det ut på Værøy og no på Røst. Etter dette vil vi søkje om godkjenning, og så få det operativt. I Sverige vil dei frå 1. april starte med dette, fortalde Snekkerbakken til NRK under flyplasskonferansen på Bringeland denne veka.
- LES OGSÅ:
Meiner det er eit pluss for flygeleiarane
Ein klar tidsplan for vidare framdrift av systemet vil ho vere forsiktig med å gå ut med, men ho er klar på at det er ønskeleg å få det i drift.
- LES OGSÅ:
- LES OGSÅ:
– For dei som arbeider med dette vil det bety større arbeidsmiljø og mykje større fleksibilitet. No sit dei åleine på jobb, og det er både einsamt og krevjande. Med den kompetansen dei har er det viktig å vere del av eit større fagmiljø.
Snekkerbakken understrekar at folk likevel ikkje vil møte folketomme flyplassar i framtida.
– Sjølv om trafikken bli styrt gjennom videoovervaking og sensorar, så vil det alltid vere anna personell på staden, så det blir ikkje snakk om flyplassar utan tilsette.