Vil ha høyring etter koronarapport

Deloitte er ferdig med granskinga av byrådet i Bergen sin bruk av krisefullmakt under koronapandemien. Rapporten er publisert på kommunen sine nettsider. Deloitte slår mellom anna fast at beredskapsplanane ikkje har vore tydelege på korleis krisefullmakta kan nyttast og at stenging av skular og barnehagar burde vore behandla i byrådet. Leiar av kontrollutvalet, Henning Warloe (H), seier rapporten er grundig og god. – Vi kjem til å foreslå at det blir arrangert høyring.