– Eg veit ikkje om det går an å bli meir fortvila enn det eg allereie er – og har vore i lengre tid. No er eg van med å bli behandla på denne måten, seier Jarle Kirketeig til NRK.no.
- LES OGSÅ:
Fekk vurdering av oppseiing i posten
Saman med fleire andre tilsette har Kirketeig gått ut i media med historier om alvorleg mobbing og trakassering frå styreleiar Magne Ulvatn ved Fellesforbundet i Sogn og Fjordane.
No har han fått brev frå Fellesforbundet. Dette er eit utdrag av teksten:
Ingen frå Fellesforbundet vil uttale seg
Det er tre noverande og tidlegare tilsette og fleire tillitsvalde i Fellesforbundet som har skulda Ulvatn for mobbing og trakassering.
– Det var overdriven kontroll, mistenkjeleggjering og utskjelling i plenum. Det gjekk på sjølvkjensla laust, fortel Jan Olav Gjerde.
– Eg har opplevd ein leiar som har brote meg ned både psykisk og fysisk, seier Kirketeig.
- LES OGSÅ:
- LES OGSÅ:
NRK har ved gjentekne høve prøvd å få kommentar frå Magne Ulvatn sjølv, utan å lykkast. Heller ingen andre i Fellesforbundet har ønskt å uttale seg i saka.
(Artikkelen held fram under biletet)
STENGDE DØRENE: Bjørn Martin Kormeseth og leiinga i Fellesforbundet i Sogn og Fjordane hadde krisemøte bak lukka dører, etter at fleire tilsette i forbundet har stått fram med historier om mobbing og trakassering.
Foto: Bård Siem / NRK– Kven er det største problemet?
Det var Kirketeig som først gjekk ut i media med saka si, og no har svaret frå Fellesforbundet komme i form av ei vurdering av arbeidsforholdet.
– Eg kjem ikkje til å godta oppseiing, seier Kirketeig.
– Då hamnar gjerne saka i retten ...?
– Ja, men eg får håpe at forbundet går inn og hjelper meg, no då. Eg har tidlegare gjeve konkrete eksempel på lovbrot ifrå avdelinga hos arbeidsgjevar – utan at det blir gripe tak i, seier Kirketeig.
Han held fram:
– Spørsmålet er kven som er det største problemet her; den som lagar problemet, eller den som seier ifrå, seier Kirketeig.
