Planane for ei utviding av Vik fengsel ligg allereie klare, men til no har ikkje regjeringa villa løyve dei vel 40 millionane som trengst.
Ei utbygging vil gje 30 fengselsplassar og skape 20 nye arbeidsplassar.
– Eg er særs glad for at dette er på plass i vårt alternative budsjett, seier stortingsrepresentant for Venstre frå Sogn og Fjordane, Sveinung Rotevatn.
- Les også:
Leiar i Vik Venstre, Morten Holmberg, meiner dette er godt nytt, og han kryssar fingrar for at det kjem gjennom forhandlingane og vert ein del av det endelege statsbudsjettet.
– Eg er glad for dei arbeidsplassane dette inneber, både i utbyggingsperioden og ikkje minst etterpå. Det er kompetansearbeidsplassar som regionen treng, seier Holmberg.
Tysdag blei det kjent at Kristeleg Folkeparti i sitt alternative budsjett set av 20 millionar kroner til å starte utbygginga av fengselet i 2016. Fylkesleiar i KrF, Trude Brosvik, meiner det er sannsynleg at partiet får gjennomslag for dette i budsjettforhandlingane.