Vert ikkje rettssak om arbeidstid

• LES OGSÅ: Hyrer detektiv mot Helse Førde

For fredag klarte partane å bli samde.

Viktig å finne ei løysing

Helse Førde HF, Arbeidsgjevarforeininga Spekter og Norsk Sjukepleiarforbund kom fram til ei løysing i saka om arbeidstida for sjukepleiarane på operasjonsavdelinga og anestesiavdelinga ved sjukehuset i Nordfjord.

- Det har vore viktig for Helse Førde å finne ein snarleg løysing på denne saka slik at vi igjen kan fokusere på å kunne tilby eit best mogleg helsetilbod, seier administrerande direktør i Helse Førde Jon Bolstad til helse-forde.no .

- Fint å sleppe rettsak

• LES OGSÅ: Ingen veit nøyaktig kva eit lokalsjukehus skal vere

Også forbundsleiar Lisbeth Normann i Norsk Sjukepleiarforbund er glade for at konflikten no er løyst.

- Vi er nøgde med å sleppe å ha saka i ei rettsak, seier Normann.

Det avgjerande for NSF var at sjukepleiarane får etterbetalt det økonomiske tapet dei vart påført som følge av arbeidstidsordninga som vart pålagt av arbeidsgjevar.

Vidare forhandlingar

• LES OGSÅ: Aksjonist-Hansen: Kva er poenget?

Resultatet av forhandlingane er at sjukepleiarane no går tilbake til den arbeidstidsordninga dei hadde før 28. september i fjor.

Frammover vil partane i saka diskutere arbeidstida for å ta vare på deil tilsette sine behov og føretaket sine interesser. Men skulle dei ikkje klare å bli samde, vil saka bli lagt fram for Spekter og Norsk Sjukepleiarforbund som då skal vurdere den.