-Edvard Grieg gav ut Solveigs song for lenge sidan. No var det på tide å komme med ei ny Solveig. Så min song er kalla "Solveigs aller siste song til sin EX," seier Oddvar Torsheim til NRK.
Første gong for publikum
På laurdag framfører han den nye låta for aller første gong med publikum i salen. Det skjer under NRK sin lokalmusikkgalla, Julelutt, direkte frå Operahuset Nordfjord.
Les og;
Les og;
Kunstnaren frå Sunnfjord har i mange år hatt ei sidekariere som musikar. Han har mellom anna gjeve to album, men denne gongen blir det berre ein singel.
-Blir aldri så pen som Tone
- Kva tenkjer du om å vere popstjerne då?
- Nei, eg blir aldri så pen som Tone Damli då, men eg veit ikkje kor flink ho er å måle. Eg har jo ikkje dette som jobb. For meg er dette eit sideskjer. Det er litt slik som kunsten er for Pavarotti. Han målar også, men syng desidert betre enn han målar. Eg er ein biletmakar som er like spontan som ein kålrabi, seier ein humørfylt Oddvar Torsheim.
Les og;
Les og;
Berre 1000 plater for sal
Låta "Solveigs aller siste song til sin EX" er no ute for sal i 1000 eksemplar. Det er Torsheim som sjølv har skrive både tekst og melodi. Medan den er produsert av svigersonen Pål Bråtelund, som og spelar dei fleste instrumenta på den nye melodien.
Les og;
-Seier farvel på ein kvass måte
- Den handlar om ei jente som verkeleg seier farvel på ein kvass måte, fortel Oddvar Torsheim om innhaldet i songen.
Han har mange tekstar og melodiar liggande, og har lyst å gi desse ut ein og ein framover.
- Blir det ein kvart år, så kan eg jo gi ut dobbel-cd på 100-årsdagen. Eg gir meg ikkje så lett, seier Torsheim.