I går la regjeringa fram ei ny reform der skatteoppkrevjinga blir foreslått flytta frå kommunane til Skatteetaten.
Bjørlo seier at dette er ei gyllen moglegheit for regjeringa å vise at ein meiner alvor med å etablere statlege kompetansemiljø utanfor dei største byane.
– Skatteinnkrevjing er ein funksjon som utmerka godt eignar seg for å lokalisere kompetansemiljø utanfor dei største byane, seier Alfred Bjørlo, som er ordførar i Eid og sentralstyremedlem i Venstre.
- LES OGSÅ:
Endringa trer i kraft 1. januar 2016
I dag eksisterer det 288 kommunale skatteoppkrevingskontor, som regjeringa i forslaget sitt vil legge ned.
Framlegget til ny reform innebere at skatteetaten overtek ansvaret frå kommunane.
All skatteoppkrevjing, og alt ansvar for å fastsette, krevje inn, og kontrollere skattar og avgifter skal ligge hjå Skatteetaten. Endringa skal etter planen tre i kraft 1. januar 2016.
Bjørlo vil at endringane i strukturen til skatteinnkrevinga skal brukast til å skape sterke bu- og arbeidsmarknadsområde i distrikta.
– Eg ventar at desse nye sentera og arbeidsplassane, viss dei skal på plass, systematisk vert lokalisert utanfor dei store byane og brukte til å skape dynamikk og sterke bu- og arbeidsmarknadsregionar i eit fylke som til dømes Sogn og Fjordane, seier Bjørlo.
- LES OGSÅ:
- LES OGSÅ:
Er ikkje ei sentraliseringsreform
Kvar dei nye kontora skal ligge er framleis uklart. Skatteetaten skal sende inn eit framlegg til kvar dei vil ha kontora sine innan 1. januar 2015.
Statssekretær i finansdepartementet Paal Bjørnestad er samd med Bjørlo i at dette gjev gode moglegheiter for å desentralisere arbeidsplassar.
– Når det gjeld denne reforma, så er ikkje dette nokon sentraliseringsreform. Vi meiner tvert i mot at når ein byggjer opp gode og solide fagmiljø i regionane, så har ein moglegheit til å ikkje flytte ting til Oslo, men frå Oslo, seier Bjørnestad.
- LES OGSÅ:
- LES OGSÅ: