Det var 110-sentralen og Vest politidistrikt som melde om båtulukka på Twitter like etter klokka 11.00.
Ein båt hadde kantra og to personar var hamna i sjøen.
– Det er hørt rop om hjelp frå land og dei har varsla naudetatane. Dykkarar frå brannvesenet i Bergen er på veg til staden med luftambulanse. Hovudredningssentralen er også varsla, sa vaktkommandør Ronald Drotningsvik ved 110-sentralen.
– Det er sendt mykje ressursar mot området der no, og me held fram så lenge situasjonen ikkje er heilt avklart, sa operasjonsleiar i Vest politidistrikt, Per Algrøy.
Hovudredningssentralen koordinerte den store aksjonen. Det var først uklart kor mange som var involvert.
Uskadd
Rett etter klokka 11.30 var aksjonen over. Dei to personane som hamna i sjøen var blitt plukka opp av ein fritidsbåt som kom til.
Ingen fleire personar var involvert i kantringa.
- Det går bra med dei. Dei er uskadd og det er ambulansebåt på staden som tek seg av dei, opplyser vakta ved Hovudredningssentralen til NRK.
- Dei er våte, men ellers i god behold, opplyser politiet.
Ifølge Ronald Drotningsvik i 110-sentralen var det mange fritidsbåtar på sjøen då ulukka skjedde.
– Det er nok fleire som har sett kva som skjedde og som har kome til. Vi avsluttar med våre ressursar.