To menn arresterte i trefellingssaka
To menn heimehøyrande i Kinn kommune er arresterte i trefellingssaka i Sunnfjord, der tre bilar vart skadde etter å ha køyrd på tre som var felt over vegar.
Det opplyser tenestestadsleiar ved politiet i Florø, Synnøve Domben til NRK.
Politiet har førebels ikkje teke stilling til om mennene blir framstilte for varetektsfengsling eller ikkje.
– Dei vil i løpet av dagen bli avhøyrt, seier Domben.
Dei er sikta for grovt skadeverk og brot på vegtrafikklova paragraf 3.
Den eine er i slutten av tenåra og den andre i 20-åra, opplyser Domben.
