Tilhengjar som losna og eksploderte var 18 år

– Vi jobbar no med å finne ut kven som har produsert tilhengjardraget som rauk inne i tunnelen. Når vi har funne ut av dette, vil vi gjennomføre ei metallurgisk undersøking av draget. På den måten håper vi å finne ut kvifor det har roke, seier Martin Visnes, inspektør i Havarikommisjonen.

• Les også: Kan vere fleire årsaker til at hengaren losna

Det var den 15. juli i år at ei tankvogn med 16.500 liter bensin hamna i fjellveggen i den undersjøiske Skatestraumtunnelen på fylkesveg 616 i Bremanger. Tankvogna eksploderte og brannen var enorm .

• Les også: fekk enorme skader under eksplosjonen og den påfølgjande brannen

Dei som var i tunnelen kom seg heldigvis ut utan alvorlege skader.

Les også:

• Ektepar såg flammane komme imot dei
• Vart jaga ut frå infernoet
• Punkterte då flammane kom mot dei

Registrert i 1997

Skatestraumtunnelen fekk enorme skader under eksplosjonen og den påfølgjande brannen . Det er venta at tunnelen vil vere stengd i eit halvt år .

Havarikommisjonen er no i full gang med å finne årsaka til uhellet . Sjølve tilhengaren er 18 år gammal.

– Tilhengaren vart registrert første gong i 1997, fortel Visnes.

– Dersom det viser seg at tilhengjardraget er 18 år gammalt. Kva kommentar har du til det?

– I utgangspunktet bør det ikkje vere noko problem dersom det er halde ved like på ein skikkeleg måte, seier han.

Usikker på kor gammalt tilhengjardraget er

Det er selskapet Måløy Havneservice som eig tankvogna som losna og eksploderte. Dagleg leiar i selskapet, Bent Hammersvik, er usikker på kor gammalt tilhengjardraget er.

– Vi kjøpte den brukte tilhengjaren i 2012. Tilhengjaren er 18 år gammal, seier han.

– Er tilhengjardraget også 18 år gammalt?

– Det kan eg ikkje svare noko sikkert på. Men det som er sikkert er at hengjaren vart godkjend av Statens vegvesen så seint som 30. april i år. Då vart det ikkje funne noko gale ved hengjaren, seier Hammersvik.