Anders Fannemel er ein av hopparane som har fått med seg varselet.
– Det er ikkje noko kjekt. Det er synd dersom det skal prege hopp- og folkefesten dei neste vekene. Vi får verkeleg håpe det ikkje skjer noko slikt, seier Fannemel til NTB.
- Les også:
Håpar det ikkje går utover folkefesten
Han har erfaring med terrortrugsmål etter OL-deltakinga i Russland i 2014.
– Eg håpar ikkje dette overskygger hoppveka. Eg har vore med på kanskje endå større terrortrugsmål i Sotsji-OL. Der handterte dei det veldig strengt og vi merka ingenting. Eg håpar ikkje det går utover verken det sportslege eller den folkefesten dette skal vere, seier hopparen frå Hornindal.
– Eg fekk med meg saka i romjula om auka risiko i Europa. Eg skjønar at Innsbruck spesielt, med det «gryteområdet» på sletta, kanskje kan vere ein utsett plass. Eg håpar politiet har full kontroll, seier Fannemel.
– Langt unna kvardagen i Norge
Hoppveka vert innleia med kvalifisering i Oberstdorf måndag.
– Eg håpar ikkje folk held seg heime. Det er det dei, terroristane, er ute etter. Det kjennest heilt uverkeleg om vi skulle hamne oppe i det. Det er veldig langt unna den kvardagen vi har heime i Norge, seier Fannemel.
Landslagstrenar Alexander Stöckl seier til NTB at han og det norske laget stolar på at arrangøren tek vare på tryggleiken, men at situasjonen er spesiell.
- Les også:
- Les også: