Onsdag ettermiddag var ho i Fresvik då teatersjef Terje Lyngstad sprang gjennom den legendariske løparkongen Mensen Ernst sin heimstad.
Iført påfugldrakt har han sprunge fylket rundt for å heidre den gamle løpskongen Mensen Ernst som var frå Fresvik i Vik.
Ti maratonløp
Sist fredag starta han turen heilt nord i Sogn og Fjordane, og etter sju dagar på landevegen kom han torsdag ettermiddag i mål i Leikanger. Då hadde han sprunge 422 kilometer, nok som tilsvarar ti maratonløp.
Ingrid Kristiansen var langdistanseløpar siste halvdel av 80-talet. Ho sprang både 5000, 10.000 meter og maraton. I løpet av karrieren sette ho fleire rekordar. I 1987 sette ho verdsrekord på 10.000 meter og i mange år hadde ho verdas beste tid på maraton med 2.21.06.
Den erfarne løparen tykkjer det Terje Lyngstad har gjort, er utruleg bra.
– Og det at han ser ut som han gjer etter så mange mil, er veldig imponerande, seier ho.
- LES OGSÅ:
- LES OGSÅ:
Trur han lokkar fleire
Kristiansen er oppteken av å fremje betre folkehelse og idrettsglede. Dette var også målet for teatersjefen. I tillegg ville han heidre Mensen Ernst og reklamere for teaterstykket om løparkongen som blir sett opp 26. september.
Ho har tru på at teatersjefen klarer å lokke fleire til teateret med stuntet sitt.
– Han har fått marknadsført framsyninga på ein veldig god måte. Dette er noko anna enn at det berre skulle stå ein annonse i avisa. Han har faktisk gjort noko av det Mensen Ernst gjorde i si tid.
Ville ikkje sprunge med fjørene
I biografien om Ernst står det at han brukte ei påfugldrakt, og difor har også Lyngstad sprunge rundt i ei slik drakt. Men dette er ikkje noko Kristiansen ville gjort.
– Nei, eg ville nok ikkje det. Fjørene betyr ekstra vekt og dei må vere ukomfortable å springe med. Så i eit vanleg maratonløp ville eg nok ikkje brukt slike fjør, ler ho.
- LES OGSÅ:
- LES OGSÅ:
ENDELEG I MÅL: Med over 400 kilometer i beina kunne Mensen Ernst, i Terje Lyngstad sin skikkelse, endeleg gå i mål på Leikanger torsdag ettermiddag. FOTO: Heidi Lise Bakke.