– No har vi moglegheita til å gripa augeblinken og gje folk ei oppleving umiddelbart i ein gitt situasjon, seier Heidi Sårheim frå Norges Blindeforbund
Sårheim ønsker at fleire vil bruke appen, særleg dei som arbeider med arealplanlegging, prosjektering og arkitektar.
- LES OGSÅ:
Kan vere eit nyttig verktøy for fleire
Heidi Sårheim står ved trappa nedanfor Førde Rådhus og viser appen. Den brukar det innebygde kameraet og viser korleis denne trappa ser ut for ein med grå stær.
Trappa er i lysegrå betong og stein og nivåforskjellane blir omtrent usynlege.
–Eg trur at for ein med grå stær vil det vere vanskeleg å sjå kontrastane i denne trappa, og det kan vere for gjort å stige utfor kanten, seier ho.
–Trur du denne trappa ville vore annleis om arkitekten hadde fått brukt appen de har laga?
– Det er godt mogleg. Dei ville i alle fall hatt moglegheita til å danne seg eit bilete av korleis ein som er synshemma ville ha oppfatta dette i forkant, seier Sårheim.
(saka held fram under biletet)
–Vi som har jobba med dette prosjektet vonar verkeleg at mange vil ta den i bruk, særleg dei som skal lage inne- og uteområde i samfunnet i tillegg til dei andre gruppene.
Ho vonar den kan vere med på å skape rom for mangfald og forståing.
- LES OGSÅ:
Berit Holme arbeider som nettopp arealplanleggar i Førde Kommune og seier at den ikkje er veldig relevant for akkurat den jobben ho gjer, men seier den verkar veldig bra.
–Den er veldig funksjonell og ein god illustrasjon på utfordringar, og eg har brukt den meir privat enn i arbeidet sitt, seier Holme
Synssimulatoren
Appen brukar kameraet i ein smarttelefon/nettbrett, og har eit stilisert filter som viser korleis ein augesjukdom påverkar synet.
Det betyr at om eit lurer på korleis eit område eller unik situasjon vil vere med ein særmerkt sjukdom, kan ein sjå det umiddelbart. Sjå fotogalleri under!
–Vi som har arbeidd fram denne appen, er frykteleg stolte, og med tanke på tilbakemeldingane vi har fått, har vi all grunn til det, seier Sårheim.
Ho er dagleg leiar i fylkeslaget i Norges Blindeforbund Sogn og Fjordane og ho fortel at fram til no er applikasjonen lasta ned 1250 gongar.
Dei har fått positiv respons frå mellom anna Arkitekthøgskulen, Utdanningsforbundet, optikarar og pårørande. Den har fått god medieomtale og den blei òg kåra til "Ukas app" i Aftenposten.
- LES OGSÅ:
Viser det positive
Sårheim syns det er eit godt poeng at den også er fin når ein skal vise ting som fungerer for svaksynte/blinde.
Søylene i uterommet til rådhuset har ein kontrastfarge til veggen bak. Dette kunne ha vore problematisk, men fargane gjer det lettare å oppdage at der er ei søyle, også når ein har ein synssjukdom.