Vegen i Åkra opnar klokka 18.00
Fylkesveg 40 i Åkra i Kvinnherad opnar klokka 18.00, det stadfestar byggjeleiar Åsmund A. Sekse i Statens vegvesen. Dei store steinane som låg i vegbana er sprengde og massane blir no frakta vekk.
-
Foto: Lars Emil Berge -
Venta opning klokka 18.00
Arbeidet med å sikra fjellsida ved Åkra i Kvinnherad er ferdig. No arbeider vegvesenet med å sprengja dei store steinane som ligg i vegbana, før dei skal frakta massane vekk. Byggjeleiar Åsmund A. Sekse seier dei reknar med at arbeidet vil vera ferdig klokka 18.00, og dei då kan opna fylkesveg 40.
Foto: Tale Hauso / NRK -
Arbeider med sikringsnettet
Boltinga er ferdig og mannskap har starta arbeidet med å få på plass sikringsnettet i fjellsida ved Åkra i Kvinnherad. For ei veke sidan gjekk eit stort steinras som isolerte bygda. Sikringsnettet skal etter planen vere på plass om nokre timar. Deretter må steinane i vegbanen bli sprengt vekk, før ryddearbeidet kan starta, fortel byggjeleiar Åsmund A. Sekse i Statens vegvesen.
Foto: Tale Hauso / NRK -
Trafikk og vær i HordalandSteinras stenger veg ved Åkra Trafikk og vær i HordalandSteinras stenger veg ved Åkra
Geolog til Åkra i føremiddag
Ein geolog kjem til Åkra i Kvinnherad klokka 1030. Dei siste dagane har mannskap arbeidd med å sikra fjellsida etter at det gjekk eit stort steinras for ei veke sidan. I dag skal geologen vurdera om det er trygt å starta ryddearbeidet, fortel byggjeleiar Åsmund Sekse i Statens vegvesen.
Foto: Lars Emil Berge -
Fv. 40 opnar truleg ikkje i dag
Byggjeleiar Åsmund A. Sekse i Statens vegvesen seier det er lite truleg at fv. 40 ved Åkra kan opna i dag. Det ligg fleire store steinar i fjellsida ovanfor vegen. – Den eine er like stor som den som har rasa. Me vil halda fram arbeidet gjennom helga.
Foto: Lars Emil Berge
