Starta rivinga av Harastølen-bana

- Arbeidet har eigentleg gått veldig greitt. Me måtte utsette stenginga av fylkesvegen til litt over midnatt fordi folk skulle koma seg heim frå ein juletrefest, men vegen var opna att litt før klokka tre, seier maskinentreprenør Ernst Rune Melheim som stod for rivinga. Ei riving som kan vera første del av rivinga av heile Harastølen-komplekset.

• LES OGSÅ: Gjekk inn for riving av Harastølen
  
• LES OGSÅ: Meiner Harastølen bør bevarast

(Artikkelen held fram under biletet)

Grus og skrapjarn

I mellomtida hadde ein del av taubanebygget nede ved fjorden vorte redusert til grus og skrapjarn. Utstikkaren over fylkesvegen har vore eit hinder for trafikken så lenge den har stått der, men den har også tent som minne om ein svunnen tid. Då den store sanatoriebygningen på Harastølen framleis var i drift.

(Artikkelen held fram under biletet)

Mange villle beholde

- Det er klart det blir enklare å kome forbi der no. Du har jo vore nøydd til å byte side om du skulle forbi med eit stort køyretøy. Det er likevel mange bygdefolk som vil ha det som det er, seier Melheim.

Luster Sanatorium på Harastølen stod ferdig i 1902, og taubana opp var lenge den mest pålitelege transportåra opp til det enorme bygget som har tent som både tuberkolosesanatorium, psykiatrisk sjukehus og asylmottak.

Les om historia til Harastølen her

Går mot riving

No kan det gå mot riving av den forfalne hovudbygningen som ikkje har vore i bruk sidan 90-talet, og taubana kjem garantert aldri til å gå att. Før bygget vert rive er det likevel planar om å spele inn ein skrekkfilm i den gamle hovudbygningen.

• LES OGSÅ: Første Villmark-glimt frå Harastølen
  
• LES OGSÅ: Vil lage skrekkfilm på Harastølen

- Arbeidet vil halda fram ut over dagen. Det kan bli nokre korte stengingar av vegen, men det er passasje der no. Likevel er det mykje grus og mange tonn med armeringsjarn som skal vekk, seier Melheim.