Filmen blir ein oppfølgjar til «Villmark» som blei vist på kino i 2003. Også denne filmen, med mellom anna Kristoffer Joner, blei spelt inn i Sogn.
- LES OGSÅ:
Det er nettavisa ba.no som skriv om planane til produsent Einar Loftesnes og Filmkompaniet Madmonkey. Filmen har fått 150 000 kroner i utviklingsstøtte frå Vestnorsk filmsenter. Budsjettet for filmen vil liggje på mellom 10 og 12 millionar kroner.
Skal filme rivinga
Harastølen er eit digert, gamalt mursteinsbygg som ruvar i fjellsida over Luster. Bygget har vore brukt som tuberkuloseheim, psykiatrisk sjukehus og asylmottak. Sidan tidleg på 1990-talet har bygningen stått tom. Harastølen lir under stort forfall og blir mest truleg riven i løpet av neste år. Difor hastar det med å få spelt inn filmen.
– Vi har fått lov å filme i rivingsprosessen. No jaktar vi på pengar til å spele inn filmen for og budsjetterer med over 100 000 kinobillettar, seier Loftesnes til nettavisa.
- LES OGSÅ:
- LES OGSÅ:
Finn meir enn asbest...
Regissør Pål Øie som også står bak grøssaren «Villmark», seier filmen skal handle om fem arbeidarar som skal gjennomgå bygningsmassen før den blir riven.
– Der oppdagar dei meir enn asbest og kvikksølv, seier han.