Slik opplevde han eksplosjonen

Lote var i bilen saman med familien sin på ferie i Oslo. Dei skulle til å parkere like ved regjeringskvartalet då dei høyrde eit kraftig smell.

– Eg høyrde ein høg lyd og trudde først at pappa hadde krasja i bilen bak då han skulle rygga, fortel 16-åringen frå Førde.

• LES OGSÅ: Førdefamilie i eksplosjonsdrama

Men han oppdaga fort at det var noko anna som hadde skjedd. Det var knuste glasruter overalt , glasbitar hagla over bilen og han såg ei diger røyksky som velta opp.

• LES OGSÅ: Såg drapsmannen rett i augene | Venninner arrangerte fakkeltog | Tusenvis viste støtte i fakkeltog | Fylket mintest terror-offera

– Eg forstod at det måtte vere ein eksplosjon. Eg hadde eit kamera i bilen og byrja å filme berre få sekund etter smellet kom.

Etter kort tid køyrde dei vekk fordi politiet byrja å sperra av området og det var ambulansar og politibilar overalt.

– Eg tenkte etter kvart at det kunne vere ein terrorist som var på ferde, fortel han.

• LES ALT OM TERRORANGREPA I OSLO OG PÅ UTØYA