Det har regna, snøa, blese og rasa i Sogn og Fjordane dei siste dagane. Og det skal halde seg slik også ut i veka som kjem, melder Meteorologisk institutt.
Skredfare
STORM: Fredag var det storm ved Stad, men det er ikkje fare for at den dukkar opp att til veka som kjem.
Foto: Bjarne Eldevik / NRK
INNESPERRA: Naturkreftene har herja i Luster, og 120 er innesperra på Veitastrand søndag.
Foto: John Molland
DÅRLEG SIKT: Elendig sikt på Hemsedalsfjellet søndag ettermiddag.
Foto: Netttkamera
RAS. Det er stor snøskredfare i fylket melder meteorologen. Her er bilete frå eit ras på Vikafjellet i januar i år.
Foto: Statens vegvesen
INGEN FERDSEL: Vikafjellet er stengt på grunn av uvêr og vert ikkje opna att søndag.
Foto: Torje Bjellaas / NRK- Natt til søndag vil det kome mykje nedbør og det vil bli sørvestleg vind og opp i stiv kuling rundt Stad, fortel, fortel statsmeteorolog Haldis Berge.
Det er stor snøskredfare no på grunn av dei store nedbørsmengdene som er kome. Dette gjeld overalt i Sogn og Fjordane, og det vil vere fare for skred også utover natt til måndag.
- LES OGSÅ:
Treng betre vêr
Utover dagen måndag vil det lette litt, og måndag kveld kan det bli opphald i nebøren.
Det vil vere kjærkoment for dei 120 innbyggjarane i Veitastrand i Luster som no er innesperra på grunn av eit nærare 400 meter breidt ras.
Dei er avhengige av betre vêr for å kunne byrje å rydde vekk dei store snømengdene.
- LES OGSÅ:
Frisk bris
Men opphaldet held seg ikkje lenge.
- Tysdag blir det vestleg vind, og frisk bris på kysten. Vinden vil etter kvart dreie på nordvest på ettermiddagen. Og det vil halde fram med å snø i store delar av fylket, fortel Berge.
Det vil også kome regnbyger, då i all hovudsak på kysten.
Deretter vert det ei betring. For nedbørsaktiviteten vil minke utover dagen tysdag, då spesielt i dei sørlege delane av Sogn og Fjordane.
- LES OGSÅ:
Opphaldsvêr
Dette vil halde seg gjennom natt til onsdag som ser ut til å bli ein mykje betre dag enn det vi har hatt til no i februar.
- Det vil stort sett vere opphaldvêr og skiftande bris denne dagen. På kvelden vil vinden auke og den kan kome opp i sørvestleg liten kuling.
Etter kvart dukkar regnet og snøen opp att, og onsdag kveld er det venta store nedbørsmengder att.
- LES OGSÅ:
Kaldare på torsdag
Torsdag kjem periodevis austleg kuling og meir snø.
Temperaturane kryp nedover torsdag og fredag, men elles er uendra temperaturar.
SJÅ oversikta over vêrvarselet på utvalde stader i fylket under: