Det seier Erik Brendefur i motbakkeløpet La Sportiva Skåla 1848 meter rett opp. For eit snølag på mellom 20 og 30 centimeter ved Skålatårnet gjer at målgangen blir flytta 700 høgdemeter lenger ned.
- Les også:
– Søndag var det bart frå Tjugen til toppen. Då er det kjedeleg at det no ligg snø heilt ned på 800 høgdemeter. Allereie i skaret møter folk på 15–20 centimeter snø, seier Brendefur.
Omsyn til tryggleiken
SKUFFA: Erik Brendefur i Skåla Opp ville helst sett at dei vel 1.500 påmelde fekk fullføre dei 1.848 høgdemeterane til Skålatårnet. Men vêret vil det annleis ...
Foto: Silje Guddal / NRKKring 1.500 deltakarar er påmelde til motbakkeløpet som blir arrangert for 15. gang i helga.
Og det er første gang at dei skal gå i mål ved Skålavatnet.
- Les også:
– Vi ynskte sjølve å køyre løpet heilt opp, men av og til spelar naturen oss eit puss. Det har den gjort no. Då tek vi alle forholdsreglar i samråd med Røde Kors og andre i juryen. Av tryggleiksmessige omsyn har vi funne ei fornuftig løysing, seier Brendefur.
Høgare pengepremie
Av omsyn til overnattingskapasitet let det seg ikkje gjere å flytte arrangementet til neste helg.
Skåla Opp blir elles som før, med unntak av pengepremiane. Arrangørane gir 35.000 kroner til vinnaren, og 85.000 kroner i tillegg for løyperekord.
– Der tek vi ei vurdering i kveld. Vi kunne brukt mellomtida som målepunkt, men målgang blir litt høgare. Truleg vil vi sette høgare pengepremie til vinnaren, seier Brendefur.
