Redd dei må stengje stavkyrkjene

Hovudstyreleiar Leif Kahrs Jæger i Fortidsminneforeningen seier til Nationen at driftsstøtta har krympa med 375.000 kroner sidan i fjor.

– Det er kanskje ikkje store summen, men eg er bekymra for utviklinga.

– Pinefull oppgåve

Fortidsminneforeningen eig og har ansvaret for vedlikehald av 40 nasjonalskattar, av dei åtte stavkyrkjer, fire av desse i Sogn og Fjordane. Til dette får dei fire millionar kroner i statsstøtte og rundt same summen i medlemsavgifter.

– Det blir ei pinefull oppgåve å prioritere kva vi har pengar til. I verste fall kan dette føre til at stavkyrkjene ikkje kan haldast opne for ålmenta.

• LES OGSÅ: Borgund stavkyrkje tilbake i all si prakt
• LES OGSÅ: Blant dei ti vakraste i verda
• LES OGSÅ: Redd cruiseturstane slit ned kyrkja

Meiner pengane blir brukte feil

Kahrs Jæger meiner det blir brukt for mykje pengar på eigedommar som er i ferd med å forfalle.

– Vi i Fortidsminneforeningen er meir opptekne av å bruke pengar på førebyggande vedlikehald, før bygningane deisar i bakken.

Han er vonbroten over den raud-grøne regjeringa.

– Politikarane seier vern skal prioriterast, men når det kjem til realiteten får pipa ein annan lyd. Eg etterlyser konsistens og truverde.