– Alle naudetatane er avhengige av å ha eit godt samband. Både ved innsats i tunnelane, men også ved ferdsel fram til skadested og transport til sjukehus, seier Stian Sægrov, ambulansesjef i Helse Førde.
Han fortel at naudetatane vart førespegla ei langt betre naudnett-dekning i tunnelane enn det som no ser ut til å bli resultatet.
For sjølv om 12 nye vegtunnelar får naudnett dei komande åra, vil fleire av dei lengste og eldste framleis mangle dekning.
- LES OGSÅ:
- LES OGSÅ:
Det betyr at Frudalstunnelen (6,7 km), Fjærlandstunnelen (6,3 km) og Høyangertunnelen (7,5 km) heller ikkje i framtida vil ha naudnett.
(Artikkelen held fram under biletet)
Mange tunnelar utan naudnett
– I det første informasjonsmøtet fekk vi høyre at det skulle byggjast ut naudnett i tunnelar i stor skala, fortel Sægrov.
Første signalet dei mottok var at det skulle verta naudnett i alle tunnelar over 500 meter.
Men sidan har naudetatane fått motstridande informasjon.
Direktoratet for naudkommisjon (DNK) vil ha naudnett i alle tunnelar med årsdøgntrafikk på over 5 000 bilar – det vil seie eit snitt på 5 000 bilar i døgnet.
Men ingen tunnelar i fylket er i nærleiken av slike trafikktal.
– I korte trekk betyr det at mange tunnelar over 500 meter i ikkje vil få naudnett, sukkar Sægrov.
Vil ta opp saka
Han fortel at naudetatane i Sogn og Fjordane allereie har vore i Oslo i møte med DNK.
– Vi har fått signal frå dei om at vi er ønskt ned igjen for ein ny gjennomgang over nyttår.
– Eg opplever at alle naudetatane er klare i sin tale om at vi ynskjer betre samband i tunnelar. Vi har også gitt innspel til kva geografiske område i fylket som treng utbetring, forklarar Sægrov.