- Eg høyrde det rasa og køyrde ut for å sjekke. Og eg fekk rett, det hadde gått eit nytt ras over vegen, seier Navelsaker til NRK.
Vegen stengd av to meter høgt ras
Ho er ein av 12 innbyggjarar i den vesla bygda Navelsaker i Eid kommune. I løpet av vinteren har det gått ei rekkje ras på fylkesveg 664 inn i bygda.
- Eg har merka av på kalenderen kvar gong. Når eg tel over no, så kjem eg til 18 dagar der vegen har vore stengt, fortel Navelsaker.
Onsdag skjedde det igjen, då eit vel to meter høgt og fire meter breitt snøskred kom over vegen ved Svagrova. Det er berre ein av fleire stader langs vegen der rasa kjem.
- Det var ikkje heilt uventa at det skulle kome noko skred, og det skjer på akkurat dei same plassane, seier Navelsaker litt oppgitt.
- LES OGSÅ:
- LES OGSÅ:
(Artikkelen held fram under biletet)
Har gått 2400 ras siste fire åra
Og ho er ikkje åleine. Over 900 stadar langs vegane på Vestlandet er det fare for at det kan kome ras.
Berre dei siste fire åra har det gått 2400 ras på vegane i Sogn og Fjordane og Hordaland, og å sikre alle vegane i landet vil truleg koste 40 milliardar kroner.
- LES OGSÅ:
(Artikkelen held fram under TV-saka)
Mange meldingar om ras
Også på Vegtrafikksentralen har dei fått inn mange meldingar om ras på vegen til Navelsaker.
- Når eg tel raskt over kjem eg til nær 20 meldingar om at vegen har vore stengt grunn ras og rasfare, seier vaktoperatør Ketil Molvær ved Vegtrafikksentralen i Lærdal.
- Er dette ei spesielt utsett strekning?
- Ja, det er nok det.
Vert opna att i dag
Innbyggjarane på Navelsaker har måtte lære seg å leve med rasfaren.
- Vi konstaterer at det har gått eit ras, melder frå, og så må vi smørje oss med tålmod, seier Marianne Navelsaker til NRK.
Vegen til Navelsaker blir ikkje opna i dag på grunn av snøraset.