Den tusen år gamle steinkrossen kan bli reparert med korsett

– Det vil nok bli godt synleg, seier fylkeskonservator Eva Moberg til Bergens Tidende på nett.

• LES OGSÅ: Frykta tre skulle øydeleggje steinkross - trefelling delte krossen i to
• LES OGSÅ: Arkeolog fryktar dette kan skje langt oftare

Tekniske ekspertar frå Universitetsmuseet i Bergen har no vore og teke ein titt på den øydelagde krossen. Konklusjonen er at det ikkje er mogleg å føye saman dei to delane med boltar inne i steinen.

– Krossen er for tynn til det. Fagfolka som var og såg på krossen, skal no arbeide ut ulike alternativ. Felles for dei alle er det blir bygt ei form for korsett rundt brotplassen som skal halde delane saman, fortel Moberg til Bergens Tidende.

Den tusen år gamle steinkrossen i Gulen vart knekt under eit uhell med trefelling ved kyrkja i april.

• LES OGSÅ: Ordførar: - Steinkrossen må opp att
• LES OGSÅ: Vanskeleg å reparere steinkrossen

– Målet er framleis at krossen skal setjast opp att der han stod, seier Moberg.