Opnar for private aktørar på E39

Der blir modellen privatoffentleg samarbeid, såkalla OPS, skissert.

Stortingsrepresentant Hallgeir Langeland frå SV har på si side ingen sans for forslaget.

– OPS er ein måte å skyve utgiftene framfor seg. Vi må likevel betale. I tillegg vil ein del av profitten gå til bankar som skal vere med på dette. Difor er i SV i utgangspunktet skeptisk, seier han.

• LES OGSÅ: Løysingane for Sognefjord-bru kan vere klart om tre år
• LES OGSÅ: SV seier nei til ferjefri E39

Langt over 100 milliardar

Det er i Statens vegvesen sin eigen rapport om ferjefri stamveg mellom Kristiansand og Trondheim, det går fram at samarbeid mellom det offentlege og private aktørar kan vere ein måte å finansiere opprustinga av E 39.

Skal alle ferjestrekningane erstattast med bruer og vegen skal opp til fullgod standard, vil prislappen kome på godt over 100 milliardar koner.

Trur på ideen

Prosjektleiar for ferjefri E39, Olav Ellevset, seier eit samarbeid mellom det offentlege og det private kan vere vegen å gå. .

– Det kan vere aktuelt med ei OPS-løysing, for kva vi legg i dette er opp til det private og det offentlege, seier han.

– Så de tenkjer at også private kan vere med på dette?

– Det kan vere mogleg, for vi skissere forskjellige alternativ. Men dei private har jo for så vidt ikkje noko veldig ønskje om å skaffe finansiering. Det er likevel mange andre spennande aspekt knytt opp mot OPS-løysinga.

• LES OGSÅ: – Dette er inga ny tilråding om kvar E39 skal gå i framtida
• LES OGSÅ: Høgre-nestleiar lovar ferjefri E39

Skeptisk til å bruke så mykje

Offentleg-privat samarbeid, såkalla OPS-samarbeid, går ut på at staten over fleire år betalar private aktørar for å finansiere, bygge samt å vedlikehalde offentlege vegar. Hittil er berre tre vegprosjekt finansiert gjennom OPS.

Langeland har ikkje sans for verken OPS eller storstilt opprusting av E39, der alle ferjestrekningane blir erstatta med bruer.

– VI må spørje oss sjølve om det å investere 100 milliardar i kystvegstamveg er rett bruk av pengar. SV har sagt at vi går for Stad skipstunnel nettopp for å styrkje person- og godstransport på sjø. Blir det bygde ein gigantisk veg til 100 milliardar, vil transporten bli flytta frå sjø til veg. Dette er ikkje godt klimapolitikk.

– Men mykje av E39 på Vestlandet er svært dårleg. Skal vi halde fram med denne elendige vegstandarden.

– Nei, vi skal prioritere å forbetre vegstandarden, men spørsmålet er om vi skal bruke milliardar på nye bruer. No får Sogn og Fjordane elferje i 2015. Det spørst om ikkje det er betre investering enn å byggje gigantiske bruer som skal finansierast ved hjelp av bompengar.

• LES OGSÅ: Forsvarar Stad skipstunnel
• LES OGSÅ: – Stad skipstunnel må få pengar