«Tone Damli prøver å ta «en Taylor Swift.» I beste fall er det tilfeldig og litt tankeløst, i verste fall er det ren idioti,» skriver Sven Ove Bakke, platemeldar i Dagbladet.
Han skriv også dette om albumet: «Den har rett og slett ingenting å tilføre denne forutsigbare, generiske popmusikken.»
- LES OGSÅ:
«Lite substans på albumet»
Tone Damli Aaberge (22) frå Sogndal, no under artistnamnet Tone Damli, har gitt ut sitt fjerde album. «Cocool» får berre to prikkar på terningen.
Dagbladet kallar den nye plata for «klisjeer stablet oppå hverandre som på IKEAs selvbetjeningslager.»
«Og uten virkelig gode låter, uten virkelig popsjarm og uten en stemme som er i stand til å bære med seg noe særlig til følelsesregister, så er det dessverre lite substans igjen på albumet.»
- Les heile platemeldinga på Dagbladet.no (NRK Sogn og Fjordane tar ikkje ansvar for innhald på eksterne nettsider)
«Stemmen hennes er for lett»
«Cocool» er oppfølgaren til «Bliss» (2005), «Sweet Fever» (2007) og «I Know» (2009). På den nye plata framfører den tidlegare Idol- og MPG-artisten elleve melodiøse poplåter.
Dei er skrivne av mellon anna ho sjølv, David Eriksen, Ben Adams og Christian Ingebrigtsen frå A1, Simone Larsen i D'Sound og MGP-låtskrivar Hanne Sørvaag.
(Artikkelen held fram under biletet)
Tone Damli Aaberge i kvit kjole under finalen i Melodi Grand Prix.
Foto: Johannessen, Sara / SCANPIXStrykerlåta «I Love You», som høgst truleg adressert kjærasten Aksel Hennie, var første smakebit fra den nye albumet. Det inneheld også den oppstemde andresinglen «Crazy Cool» og «Stuck In My Head», som er i duett med Øyvind «Vinni» Sauvik frå Paperboys.
«Stemmen hennes er for lett, for vinglete, og uten nevneverdig bæreevne for noe nivå av følelser,» skriver platemeldaren.
- LES OGSÅ:
Tone: «Eg e så glad, så fornøgd»
Tone på si side er derimot stolt over det nye albumet som no er i butikkhyllene. På bloggen sin skriv ho:
«Sjøl om eg ikkje vil presse folk til å kjøpe ting, så vil eg likevel reklamere litt for plata mi her på bloggen :) Eg e så glad, så fornøgd, det føles rett og slett veldig godt. Det kribla i kroppen, fra topp til tå.»
Tidlegare har kærleikslåta «I Love You» også fått terningkast to, men Tone deppa likevel ikkje. Då skreiv ho: «Eg skulle helst ønskje at ein slapp desse anmeldelsane, men slik er det no ein gong. Eg er veldig nøgd med låta og det er det viktigaste.»