Åtte eller 200% toll på baconet? Arkivfoto NRK
Problemet for norske kjøtbedrifter er dei høge kostnadene på råvarene. Dei kan spare millionar av kroner ved å bruke dette smottholet i tollovgjevinga, i strid med intensjonane i lova. Nordfjord Kjøtt i Loen er langt frå åleine om metoden. Administrerande direktør i Kjøttbransjens Landsforbund, Dag Henning Reknses, vil ha slutt på dette.
Eksistert lenge
Dette er ei ordning som har eksistert i lang tid. Alt for lenge, meiner Kjøttbransjens Landsforbund. Det er ei lovleg ordning som kjøtbransjen har spart millionsummar på. Ei av bedriftene som nyttar seg av smottholet er Nordfjord Kjøtt i Loen. Dei har eksportert salt til Sverige og tilsett det i svensk bacon. Dermed kan baconet importerast tilbake med låg toll. Utan det norske saltet ville tollsatsen vore på 200 prosent.
- Holet må tettast att
- Dette er konkurransevridande, meiner administrerande direktør i Kjøttbransjens Landsforbund, Dag Henning Reksnes. No krev han at smottholet blir tetta igjen. Deler av norsk kjøtindustri blir undergraven og utkonkurrert viss dette held fram, seier Reksnes til Nationen.