Ein øydelagd heis og ei forseinka levering gjer at fleire bebuarar ved omsorgssenteret i Naustdal har sete fast i andre etasje i to veker.
Åtte av bebuarane er rullestolbrukarar og har ikkje sjanse til å nytte seg av trappa.
– Om dette hadde skjedd på rådhuset, så hadde heisen vore reparert for lengst, seier ein av dei pårørande til Firda.
Sunnfjord-avisa var den første som omtalte leveringsvanskane.
Saka er til sjenanse for kommunen, som skuldar på «leveringsvanskar».
Ein øydelagd heis gjer at 8 bebuarar ved omsorgssenteret i Naustdal har sete fast i andre etasje i to veker.
Foto: Steinar Lote / NRK– Dei er naturlegvis fortvilt over situasjonen
Einingsleiar ved Naustdal omsorgssenter, Renate Kvalstad, seier ho er frustrert og lei seg over situasjonen, og at dei prøver å gi brukarane så gode dagar som mogleg innan heisen blir reparert.
17. mai opna dei vindauga slik at rullestolbrukarane kunne sjå toga frå avstand.
– Kva tilbakemeldingar har de fått frå bebuarane og dei pårørande?
– Dei er naturlegvis fortvilt over situasjonen. Spesielt nå som det har vore langhelg og så fint vêr. Så dei synest det er trasig, og det er heilt forståeleg.
17. mai måtte rullestolbrukarane sjå Naustdal-toget frå avstand.
Foto: Steinar Lote / NRKKonstituert leiar for bygg og eigedom i Sunnfjord kommune, Dag Inge Roska, svarer at kommunen gjer det dei kan for å ordne problemet og at den forseinka heis-delen er venta «innan kort tid».
Dei lovar vidare at saka er hasteprioritert og at reparasjonen vil «skje på timen» når delen er framme.
Renate Kvalstad synest det er leitt at dei fine mai-dagane har rasa forbi utan at bebuarane har hatt moglegheit til å kose seg ute i hagen.
– Men nå er siste oppdatering at delen er på veg, og at vi har han innan kort tid. Så nå håpar eg at det nærmar seg ei løysing.
Åtte av bebuarane er rullestolbrukarar og har ikkje sjanse til å nytte seg av trappa.
Foto: Steinar Lote / NRK