Det er store trafikale problem på E39 like aust om Førde. Etter ei trafikkulukke ved 07-tida ved Movika danna deg seg lange køar i begge retningar.
- LES OGSÅ:
Store køyrety må bruke kjetting
Men ikkje før køane hadde byrja løyse seg opp sigla to større køyrety ut i grøfta. Ein semitrailer skal ha stått i ro då han sigla sidelengs ut i grøfta. Kort tid etter køyrde ei mobilkran seg fast. Det er ikkje råd å kome seg forbi.
– I tillegg er det fleire andre store bilar som står i kø og ventar. Vi pålegger no desse å setje på kjetting, seier operasjonsleiar Einar Vereide ved politiet.
- LES OGSÅ:
- LES OGSÅ:
Svært glatte vegar i området
Bilberging er på veg for å berge dei to store køyretya ut av grøfta. Det er venta at dei vil kunne byrje arbeidet kort tid etter klokka ti.
– Når vi skal gjere jobben må vi stengje vegen heilt. Det vil no ta om lag ein halvtime på kvart av kjøretya, seier Arild Tistel i Førde bilbering.
Det skal vere svært glatte vegar i området. Politiet seier snøen har pakka seg hard i vegen og at det er generelt vanskelege køyreforhold.
– Også dei småbilane som står i køen bør vere skodde for forholda, seier Vereide.
Også sjukehusbussen frå Sogndal til Førde var mellom dei mange som måtte stå lenge i kø i morgontimane måndag. Mange av passasjerane vil etter alt å dømme ikkje komme i tide til timane sine.
Klokka 12.40 vart E39 opna for fri ferdsel etter at bilbergar hadde fått mobilkrana på vegen att.