Enkelte stader i Nordfjord var det i natt varsla at det kunne kome opp mot 50 centimeter snø på berre seks timar. Også fleire andre stader i fylket har det lava ned i dei mørke timar, og fleire stader må folk førebu seg på vanskelege forhold langs vegane.
På fjellet herjar vinden i tillegg, og fleire fjellovergangar er stengde.
Slik var situasjonen klokka 11.15:
- Riksveg 52 Hemsedalsfjellet – kolonnekøyring med to timar ventetid
- Riksveg 13 over Vikafjellet – stengd grunna uvêr
- Fylkesveg 13 over Gaularfjellet – stengd grunna uvêr
- Fylkesveg 50 Hol-Aurland – stengd grunna vegarbeid fram til klokka 08
- Fylkesveg 53 Tyin-Årdal – stengd grunna uvêr
- Fylkesveg 381 Matre-Bjordal – stengd grunna uvêr
- Fylkesveg 616 Davik-Isane – stengd grunna ras
På fjellovergangane ser det slik ut:
- E16 Filefjell – snø og isdekke, redusert sikt enkelte stadar. Anbefalt med kjetting for store køyrety. Klokka 05.30 var det 4 grader, frisk bris og lette snøbyer
- Riksveg 14 Strynefjellet – snø og isdekke, fare for glatte parti og vanskelege køyreforhold. Klokka 05.30 var det minus fem grader, sterk kuling og snøbyer
- Fylkesveg 60 Utvikfjellet – snødekke, redusert sikt. Klokka 05.30 var det minus fire grader, lett bris og snø