FORSVARLEG: Gurli Høeg Ulverud, kommunikasjonssjef Avinor.
Foto: Tommy Normann– Vi ser at ved nokre av lufthamnene så vert ikkje høve til å ta ned ambulansefly nytta i det heile. Ved enkelte lufthamner har det kanskje vore så lite som eitt tilfelle i året, seier Gurli Høeg Ulverud, kommunikasjonssjef i Avinor.
Endringane kjem til å bli sett i verk i løpet av året, forklarar ho.
Ved lufthamnene i Sogndal, Førde og Sandane er det vurdert at det er forsvarleg å endre beredskapen. I Florø vert det inga endring.
– Vi meiner dette ikkje vil gå utover pasienttryggleiken, og det meiner også helseføretaka, seier Høeg Ulverud.
- Les også:
- Les også:
Saman med helsetenesta fekk Avinor i 2015 eit oppdrag frå samferdsledepartementet og Helse- og omsorgsdepartementet om å sjå på moglegheita for å organisere ambulanseberedskapen ved lufthamnene på ein anna måte.
Slik vert beredskapen: (Les meir her)
SJEKK DIN FLYPLASS: Slik vert ambulanseflyberedskapen. Les meir her.
Foto: avinorMeir effektivt med bil og helikopter
Ambulansefly fraktar blant anna donerte organ, og hardt skadde pasientar i heile landet. Det vil framleis vere tilgjengeleg ambulanse- og redningshelikopter.
– Ved dei lufthamnene vi kuttar heimevakta er det ikkje behov for ei ordning som gjer at ein må bemanne lufthamna utanom opningstid. I fleire tilfelle vurderer helseføretaka biltransport og helikoptertransport som meir effektivt, seier Høeg Ulverud.
Helse Vest har anbefalt å leggje ned beredskapen for ambulansefly utanom opningstidene på lufthamnene i Sogndal, Førde og Sandane.
Skal dekke beredskapsbehovet
I Avinor sin rapport vert det lagt vekt på at ved lufthamna i Sogndal er det hovudsakleg behov for uttransport av pasientar. Her vil det heller bli tilrettelagt for tilgang på drivstoff for å dekke beredskapsbehovet.
I Førde skjer dei aller fleste transportane i flyplassens opningstid, og det meste vil kunne gjennomførast utan beredskap utover det. Luftambulansehelikopteret i Førde vert brukt til dei fleste akuttoppdrag og Florø er ei alternativ lufthamn, står det i rapporten.
Sandane lufthamn vert lite brukt utanom opningstid, og helseføretaka si oppfatning er at endringar i beredskapen her vil ha lite konsekvens. Det vil likevel vere mogleg å lande og ha sjølvbetent fylling av drivstoff utanom opningstid.
KUTT: Sandane lufthamn Anda.
Foto: Eva Marie FeldeAnbefalingane i utgreiinga viser moglegheit for å redusere kostnader for Avinor med minst 15 millionar kroner per år.