Kryssar fingrane for smittefri elv

– Det var ein veldig god beskjed å få, men når det er sagt så må ein framleis ha litt is i magen. Det seier Lasse Sælthun, som er leiar i elveeigarlaget i Lærdal.

• LES OGSÅ: Gyrodactylus-katastrofen 1996 - Sogn og Fjordane - Fylkesleksikon - NRK

I 1996 blei den frykta gyrodactylus salaris første gong påvist i Lærdal. I løpet av dei 18 åra som er gått sidan den gong, har det vore gjort fleire forsøk på å bli kvitt den frykta lakseparasitten.

Omstridd behandling

I 1997 blei elva behandla to gonger med den omstridde plantegifta rotenon, til høglydte protestar frå blant anna miljøvernar Kurt Oddekalv.

• LES OGSÅ: Håpar dronninga reiser seg
• LES OGSÅ: Saboterer gyrobehandling i Lærdal

Men parasitten dukka opp igjen, og elva har seinare vore gjennom behandling med surt aluminium i 2005, 2006, 2011 og 2012

I august fanga Veterinærinstituttet til saman meir enn 228 lakseungar ved ulike lokalitetar i Lærdalselvi i august, og undersøkingane syner at ingen av desse var infisert med Gyrodactylus Salaris.

– Det er klart det er eit steg i rett retning. Etter den aller første behandlinga så gjekk det godt to år før ein igjen fann smitte i elva. Så difor må vi vere optimistar, men ikkje sleppe jubelen heilt laus enno.

Kanskje i 2017

Både fjoråret og denne sesongen har det vore bra fiske i elva som gjerne blir kalla "Dronninga" av lakseelvane.

• LES OGSÅ: Håpar Lærdalselva kan friskmeldast: - Unikt å få laks på over 25 kilo
• LES OGSÅ: Lærdalselva opnar endeleg for fiske for første gong sidan 1996

– Vi har vel landa ganske nøyaktig 1500 fisk i år, der 500 var sjøaure. Om lag 70 prosent av laksen som blei tatt blei sett ut igjen.

– No er det gått to år sidan siste behandlinga av elva, når meiner du de kan vere heilt trygge på å vere kvitt lakseparasitten?

• LES OGSÅ:

– Dersom vi ikkje har oppdaga ny gyrosmitte når vi kjem til 2017, då blir elva friskmeld. Då kan vi alle fall feire. Jo lenger det går utan at det blir oppdaga ny smitte til tryggare kan vi vere.