Ein mann frå Gulen er mellom dei norske Statoil-tilsette på anlegget i Algerie. Ordførar Hallvard Oppedal seier at det til no ikkje har vore behov for teamet.
– Vi avventar situasjonen litt ut frå dei signala som er komne. Men vi er klare dersom det trengst.
Ordføraren var i kontakt med rådmannen som er leiar i kriseteamet og med kommunelegen i går kveld.
– Vi har diskutert både i går kveld og i dag, men har valt å avvente. Statoil har eit godt kriseteam på Kokstad, og dei handterer situasjonen godt der. Men dersom nokon treng oss så er vi klare.
- LES MEIR:
- LES MEIR:
- LES MEIR:
NRK.no var i kontakt med kona til mannen frå Gulen onsdag kveld. Då stadfesta ho at mannen er på jobb i Algerie, men at ho korkje ville eller kunne seie noko meir om situasjonen.
Totalt 13 norske Statoil-tilsette har vore involvert i terroranslaget mot gassanlegget i In Amenas i det sørlege Algerie. Fire av desse er stadfesta å vere i sikkerheit. Statoil har opplyst at ni norske arbeidarar er involvert i gisselaksjonen.
Statoil har oppretta eit telefonnummer for pårørande. Nummeret er 800 83 003.