Kjem seg endeleg ut av bygda

- I dag har vi gjort ein tur med luftputebåten med folk ombord. Så det fungerer iallfall til ein viss grad, seier John Molland.

Han er leiar i bygdelaget på Veitastrond, og er glad for at bygdefolket endeleg kan komme seg ut av bygda etter nokre dagar med isolasjon.

• LES OGSÅ: Inga løysing på akuttberedskapen

Laurdag gjekk det eit 300 meter breidt snøskred i Utladalen. Skredet kombinert med dårleg vêr gjorde at det søndag ikkje var mogleg å reise til og frå Veitastrond - heller ikkje med luftputebåt eller helikopter.

Måndag gjer mildare og rolegare vêr at luftputebåten no kan brukast.

• LES OGSÅ: Krev meir rassikring i Veitastrond

- Det betyr nesten alt for oss. No er vi ikkje totalt isolerte. Vi kan transportere folk, post og varer, seier Molland.